O interesse do material do I.L.B. para o estudo dos falares da fronteira galego-portuguesa

[Sinopsis reproducida de BILEGA]

O autor proporciona unha abundantísima bibliografía sobre traballos realizados en Portugal que afectan directa ou indirectamente ao galego e sobre a atención alí prestada a través de recensións ou notas aos estudos sobre a lingua galega. Na segunda parte, ofrece un exemplo de como o material do Inquérito Linguístico Boléo pode ser útil para a investigación sobre o léxico galego. Concretamente, comenta diversas designacións recollidas nos actuais distritos de Braga, Viana de Castelo e Vila Real que tamén están presentes en Galicia, segundo as informacións obtidas de dicionarios galegos e do Léxico de la comarca compostelana de Constantino García. A parte central do estudo está consagrada ás denominacións dos cogomelos (con especial destaque para as formas cogordo e tortulho), que se representan nun mapa, mais tamén se dan informacións sobre a vitalidade do tipo lexical engaço/ingaço/angaço (gal. angazo, anciño), da forma cortinha (gal. cortiña «terreo valado anexo á casa empregado para cultivar») e de manle, voz que tamén existe en galego como sinónimo de mallo [X.A.P.].